سويسرا والسويس باس – رحلة قطارات

سويسرا معشوقة الكل، طبعاً غنية عن التعريف وتغنوا بها العرب في مختلف القصايد.. ما ننلام

رحلتي ها المره مختلفة، والجميل فيها كان السويس باس

كانت عندنا مخاوف من موضوع السويس باس مثل

“إذا ضعنا/ تغيير القطارات صعب/ انزين يمكن ما نعرف”

عقب الأسئلة الي ما تخلص، والي جاوبت عليها الموظفة بابتسامة جميلة وعلمتنا ع كل شي، طلع الموضوع سهل

بشكل عام الجو كان شوي لطيف أول يوم 🌚 اما باقي الايام كانت أشد حراً 🌞 وشمسهم يمدحونها. في السفر الواحد لازم يكون متهيأ نفسياً لأشيا مثل هاي ويمشي الموضوع. كرحلة سريعة بشكل عام، الحمدلله استانسنا. بالنسبة لي أول مره أسير جنيف، وما أعتقد برد لها مره ثانية، شـي مناطق احلى في سويسرا تستاهل أن الواحد ييلس فيها، بس جنيف ما عيبتني 🤷🏻‍♀️ المهم شفتها

مخطط الرحلة

:اليوم الأول

٢١-٨-٢٠١٧
يوم الوصول قضيناه في جنيف مشي خفيف

:اليوم الثاني

٢٢-٨-٢٠١٧

في ها اليوم الشمس كانت جميلة 🌞🔥 احترقنا، ويتنا ضربة شمس، قررنا ندور حل عشان نقدر نسير أماكن ثانية، جنيف استوت ممله، ومب متعودين نيلس في مكان واحد يوم نسير سويسرا 🤷🏻‍♀️

:اليوم الثالث
23-8-2017
في ها اليوم خذنا السويس باس، وبدت رحلات القطارات. كانت أطول رحلة سرنالها في ها اليوم، والرحلة جميلة جداً 😍 رغم الحر
:
مخطط الرحلة
ـلوزان
ـمونترو
ـانترلاكن
غيرنا وايد قطارات عشان نوصل انترلاكن، بس الموضوع كان وااايد ممتع

:اليوم الرابع
24-8-2017
يبرد ع الفواد 😍😭😭
أجمل خط رحلة في التاريخ، كانت وجهتناقشتادركبناالجولدن باسمن محطة مونترو. ها القطار بطيء ويدش بين اليبال، بس المناظر تجنن، خصوصاً يوم الجو غايم 😭👆🏻عذااااااب 😩😭❤ وعقب مرينا عثونثلجنا الي بيسير سويسرا يجرب قطارالجولدن باسفي يوم غايم، ما يتفوت

:اليوم الخامس
25-8-2017
الرحلة كانت لزرمات، عقب قورنرقرات.. الجو كان بارد الحمدلله 😍😂 أهم شي

:اليوم السادس
26-8-2017

آخر يوم لبطاقة السويس باس. استخدمناها في النص الثاني من اليوم، واكتشفنا منطقة جميلة

:اليوم السابع
27-8-2017

آخر يوم كامل، كان راحة بالنسبة لنا عقب ركيض محطات القطارات. طبعاً تمينا في جنيف

:يوم العودة

 Auer مرينا ع كوفي العيوز ع قولتهم

ما أدري شو سبب التسمية

وعدنا والعود أحمد

http://www.youtube.com/watch?v=1agC2rqn_Qw

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s